Өнөөдрийн зурхай

Матар

Шинэ харилцаа холбоо тогтоох өдөр. Багагүй мөнгийг шинэ эхлэх ажилд зарцуулах тул санхүүгийн өөр эх үүсвэр дотроо төсөөлж төлөвлө. Үүний тулд шинэ хүмүүстэй харьц. Хүүхдүүдээ анхаарал тавихгүй бол дүрсгүйтэж таны чихийг багагүй халууцуулах болно. Үүнээс үүдэн бухимдах, стресстэхгүйн тулд өнөөдөр хүүхэддээ анхаарал тавь.

Хумх

Албан тушаал ахихад өрсөлдөж буй хүний зүгээс цохиолт ирнэ. Бусдад буруугаа чихвэл эвгүй байдалд орно. Хэт улайралгүй, ойр зуурын ажил хий. Таны ашиг сонирхол бусдынхтай зөрчилдөж буй нь тодорхой энэ үед танд нөлөө бүхий хүний танилын хүрээ гол тулгуур болно. Мөн санхүүгийн болон сэтгэл санааны бодит дэмжлэг үгүйлэгдэнэ.

Загас 

Дотны найзуудтайгаа холбоо барь. Ажил хэргийн амжилтанд хамаарах хүчин зүйлүүдийг мэдрэх мэдрэмж, зөн билэгтээ илүү итгэ. Үнэн сэтгэлээсээ таныг дэмжих ч нүдэнд чинь харагдахгүй үнэнч хүмүүс байна. Олон нийтийг хамарсан ажилд тааламжтай өдөр байх болно.

Хонь

Таны ажилсаг зан дундаршгүй хэвээр байвал олон зүйлийг шийднэ. Гэхдээ амжилтын зам урт байдгийг та сайн мэдэх тул яарах хэрэггүй. Тогтуун, тайван байвал танд сайны шинж дохио ирэх болно. Таны эрүүл мэнд, ажил хэрэг өөрөөс тань түлхүү хамаарах юм байна.

Үхэр

Техник хэрэгслийн бүрэн бүтэн байдлыг нь сайн шалгаарай. Өнөөдөр ажил дээр асуудал гарна. Та хийж байгаа ажлаа дуусгах гэж бүү хэт яар. Мэдээллийн аюулгүй байдалд онцгой анхаар. Гэр бүлдээ цаг гаргаж, таны тусламж дутагдаж байгаа асуудлыг шийдвэрлэ.

Ихэр

Та дур булаам харагдаж, мэдрэмж сайтай байна. Олон өдөр үргэлжилсэн их ачааллаас болж таны үйлдэл замбараагүй болж байна. Хийх ажлаа урьдчилан төлөвлө. Эрүүл мэнддээ анхаарал тавьж, сайн унтаж амар. Сайн амарвал их хүч гаргалгүйгээр таагүй зүйл, сэтгэл санааны хямралаас гарна. Гэр бүлийнхэнтэйгээ цагийг зугаатай өнгөрүүл.

Хилэнц 

Од эрхэсийн дэмжлэгээр зөн билэг өндөр байх өдөр. Ухаалаг хүмүүстэй танилцах боломжийг бүү алд. Гэхдээ түүнээс ямар үнэт зүйл авч чадах эсэх нь зөвхөн танаас хамаарна. Өөрийн хүч, боломжиндоо хамгийн их итгэ. Ирээдүйн карьераа санхүүгийн үйл ажиллагаатай холбох талаар анхаар. Танд урьдын эрхэлж байсан ажил хэргээс сайн санал ирж магадгүй байна.

Мэлхий

Зөн совингоо сонсож, далд ухамсрын мэдээллээ боловсруулахад сайн өдөр. Эрүүл мэндээ хамгаал. Өдөр тутмын цахилгаан соронзон долгионы хордлогоос өөрийгөө хамгаалж сур. Чилж ядарсан нүдээ амраах төрөл бүрийн дасгалыг хэвшил болгох хэрэгтэй. Дотоод энергээ сайн ашиглавал сэтгэл санаа сайжирч улмаар аливаа харилцаанд давуу байж, өөртөө итгэх итгэлийг олж авна.

Арслан

Хэн нэгнээс бэлэг авна. Хайрын харьцаандаа үнэнч, итгэлтэй бай. Найз нөхдөө зөв сонго. Өнөөдөр өөрийгөө бусдад нээлттэй байлга. Хайр дурлалд үл ойлголцол удвал салалт хагацлыг авчрах магадлалтай байна. Та буруугүй бол хэт гэмших хэрэггүй. Таны нийцтэй нээлттэй байдал олны талархлыг хүлээнэ.

Охин

Шинэ хүмүүстэй харьцахдаа болгоомжтой бай. Гадаад түншүүдтэйгээ хамтран хийх ажил чухлаар тавигдана. Дэмий хоосон яриа, улиг болсон зүйлсээс хол бай. Шийдвэрлэгдээгүй, ужиг болсон асуудлуудаа барьж авахад сайн. Орой гэрээсээ гарч, гэр бүл хүүхдүүдтэйгээ цагийг өнгөрөө. Тэвчээртэй байж архины тамхи зэрэг хорт хэрэглээ, муу зуршлаас хол бай.

Жинлүүр

Дотны найзуудтайгаа муудаж магадгүй тул тэдэнтэй шаардлагагүй бол уулзахгүй бай. Өнгөрсөн хурц асуудлыг сөхөж тавихаас татгалз. Бодит байдлыг удирдах, хүндрэлтэй нөхцөл байдлаас гарахын тулд олон ургалч үзлийг баримтал. Өвөрмөц өмнө нь практикт байгаагүй гарц олох шаардлагатай тулгарч магадгүй. Хэрвээ та сэтгэл санааны хувьд тогтвортой байж чадахгүй бол өөртөө эргэлзэж буй хүмүүсийг итгүүлж чадахгүй.

Нум

Өөрийнхөө нөөц бололцоог нээн харуул. Оногдсон үүрэг даалгаварыг сайн биелүүл. Сэтгэлийн хат ихээр шаардсан өдөр болно. Та сэтгэл санааны хямралд орвол өөрийн эргэн тойрныхныгоо ч бас хямраана. Шинэ орчинд ороход бэлэн бай. Чухал шалгалт өгөх, эрдэм шинжилгээний ажил хамгаалах магадлалтай байна.