30 насныхаа төрсөн өдрийг тэмдэглэж буй дуучин Селена Гомез бие давхар болсон гэх мэдээлэл гарчээ

Дуучин Селена Гомез 30 насныхаа төрсөн өдрийг Италид үргэлжлүүлэн тэмдэглэж байна.

Энэ жил 34 нас хүрч байгаа Иерволино болон поп од Селена Гомез нарын болзооны цуурхал саяхан дэгдсэн ба романтик мөчийг хамтдаа өнгөрүүлж буй тэдний зураг олон нийтийн сүлжээнд цацагдаад байна.

Селена Гомез саяхан өгсөн ярилцлагадаа карьераа хойш тавин, гэр бүл зохиож, хүүхэдтэй болохыг хүсэж буйгаа дурдсан. Тэрээр хэлэхдээ “Би гэрлэж, ээж болно гэж найдаж байна. Би дөрвөн хүүхэдтэй болно гэж боддог. Төлөвлөснөөр болж ч магадгүй, болохгүй ч байж магадгүй. Аль нь ч байсан би хүлээж авах болно” хэмээн ярьжээ.

Олон нийтийн сүлжээгээр цацагдсан зураг дээр дуучин бүсгүй бие давхар мэт харагдаж байгаа нь энэхүү яриаг улам дэвэргээд байна. Зургаас харахад, шинэ хайртайгаа учирсан дуучин бүсгүй ойрын хугацаанд анхны хүүхдээ өлгийдөн авч магадгүй бололтой.