Геодези зураг зүйн тухай хуулийн шинэчилсэн найруулгыг хэлэлцэн дэмжиж УИХ-д өргөн барихаар боллоо

Уг хуулийг 1997 онд баталсан бөгөөд Улаанбаатар хотод 360 гаруй геодезийн цэг тэмдэг байсан ч тал нь устсанаас хот төлөвлөлтөд сөргөөр нөлөөлж байна. Шинэчилсэн хуулиар мэдээллийн санг нэгтгэж, нийтийн болон тусгайлсан гэж ангилахаар тусгажээ. Ингэснээр нууцлалтай зарим газрын зураг, мэдээлэл ил болж иргэн, аж ахуйн нэгжүүд ашиглах боломжтой болох аж.