Нэгдүгээр ангийн элсэлтийг баталгаажуулах хугацааг энэ сарын 29-ний 12:00 цаг хүртэл сунгалаа
Нэгдүгээр ангийн элсэлтийг баталгаажуулж амжаагүй эцэг эх, асран хамгаалагчид 2022 оны наймдугаар сарын 29-ний өдрийн 12:00 цаг хүртэл бүртгүүлэх боломжтой боллоо.
Өнөөдрийн 15:00 цагийн байдлаар 72,170 хүүхэд бүртгүүлэх боломжтойгоос 39,045 хүүхдийн бүртгэл албажсан байна.
Түр түдгэлзүүлсэн төлөвт байгаа хүүхдийн эцэг эх, асран хамгаалагчид сургуулийн элсэлтийн комисстой биечлэн уулзаж, мэдээллээ баталгаажуулахыг БШУЯ-наас зөвлөв.
Нэгдүгээр ангийн элсэлтийг баталгаажуулах хугацаа өнөөдөр 17:00 цагт дуусахаар байсныг ийнхүү сунгалаа.
![](https://content.ikon.mn/news/2022/8/25/a3eyft_300705998_187832333626703_7502014635804327412_n_ph.jpg)
![зураг](https://content.ikon.mn/news/2022/8/25/a3eyft_300705998_187832333626703_7502014635804327412_n_x974.jpg)
Эх сурвалж: БШУЯ