78 настай Байден бүдэрч унасан нь олныг гайхшралыг төрүүлэв

АНУ-ын Ерөнхийлөгч Жо Байден  зэвсэгт халдлагын улмаас 8 иргэн амиа алдсан харамсалтай хэрэг гарсан Атланта хотруу өчигдөр /2021.03.19/ ниссэн байна. Халдлагад амиа алдсан хүмүүсийн 6 нь ази гаралтай иргэд байсан учраас ази иргэдтэй уулзахаар ийнхүү тус хотод очжээ. Гэтэл тэрбээр онгоцны шатаар өгсөж яваад хоёр ч удаа бүдэрч унасан нь олны гайхшруулав. 

Цагаан ордны хэвлэлийн төлөөлөгч Кэрин Жан Пьер “Ерөнхийлөгчийн биед ямар нэг гэмтэл учраагүй,биеийн байдал хэвийн байгаа. Вашингтоны ойролцоох Эндрьюсийн агаарын баазад тухайн үед хүчтэй салхитай байсан учир Ерөнхийлөгч тэнцвэр алдан унасан байж магадгүй” гэж мэдэгдэл хийжээ.

Өдгөө 78 настай Жо Байден АНУ-ын түүхэнд хамгийн өндөр насандаа Ерөнхийлөгч болсон хүн учир түүний эрүүл мэндийн байдал олон нийтийн анхаарлын төвд байдаг. Тиймээс тэрбээр сонгуулийн сурталчилгаагаараа түлхүү эрүүл чийрэг байгаагаа харуулахыг хичээсэн дүрс бичлэгүүд цацаж байсан юм.

 

Similar Posts

0 0 Санал
Үнэлгээ
Бүртгүүлэх
Мэдэгдэх
guest
0 Сэтгэгдэл
Inline Feedbacks
View all comments