Архинд донтох эмгэгийн өдрийн эмчилгээг ЭМД-аар үнэгүй үзүүлж байна

Сэтгэцийн эрүүл мэндийн үндэсний төв архинд донтох эмгэгийн өдрийн эмчилгээг ЭМД-аар үнэ төлбөргүй явуулж байгаа аж.

Тодруулбал, тус төв нь энэхүү эмчилгээг 2015 оноос эхлүүлжээ. Харин энэ жилээс үнэ төлбөргүй үзүүлэх болов.

Эмчилгээг мэргэжлийн эмч, сэтгэл зүйч, нийгмийн ажилтан, сувилагч, нар хоёр долоо хоногийн турш 09 цагаас 14 цагийн хооронд хийж байна. Харин амралтын өдрүүдэд 10-13 цагийн хооронд бүлгийн ярилцлага байдлаар үзүүлж байгаа гэнэ.