Бохирын шугамын нүх ухаж байсан хоёр ажилтан шороонд дарагджээ

Сэлэнгэ аймгийн Сүхбаатар сумын Баянхан багийн хоёрдугаар хэсэгт бохирын шугамын худагт ажиллаж байсан 2 хүн шороонд дарагджээ.

Энэ тухай дуудлага мэдээлэл 09.14-ний өдрийн 19:38 цагт ОБГ-т ирсэн бөгөөд аймгийн Онцгой байдлын газрын Эрэн хайх, аврах ангийн алба хаагчид 2 км замыг туулан 19:43 цагт очиход бохирын шугамын нүх ухаж байсан ажилтан Сэлэнгэ аймгийн Сүхбаатар сумын харьяат М /34 настай, эрэгтэй/, мөн тус сумын харьяат У /29 настай, эрэгтэй/ нар 2 метрийн гүнтэй нүхэнд дарагдсан байсныг 19:47 цагт эсэн мэнд гаргаж, аймгийн Нэгдсэн эмнэлгийн яаралтай тусламжийн гэмтлийн их эмчид хүлээлгэн өгсөн байна.