Реппер Cooliо таалал төгсжээ

АНУ-ын реппер Coolio Лхагва гарагийн орой буюу Монголын цагаар өнгөрсөн шөнө 59 насандаа Лос Анжелес хотноо таалал төгсжээ.

Нас барах үедээ реппер найзындаа байсан бөгөөд угаалгын өрөөнд удаад байхаар нь очтол шалан дээр хэвтэж байсан гэнэ. Түргэн тусламжаар очсон эмч нарын таамаглаж байгаагаар, зүрх нь гэнэт зогсож нас барсан байх магадлалтай аж.

Түүний  “Gangsta’s Paradise” дуу нь Youtube-д 1,061,949,131 үзэлттэй хит дуу болж байсан юм.