Оросын иргэдийг хүлээж авч буй Монгол улсад талархал илэрхийлжээ
Өчигдөр орой Их Британид оршин суугаа дайныг эсэргүүцэгч иргэд цэргийн дайчилгаанаас зугтсан Оросын иргэдийг хүлээн авч буй орнуудын элчин сайдын яамдын гадна талархал илэрхийлсэн ил захидал, цэцэг зэргийг үлдээсэн тухай BBC агентлаг мэдээлжээ.
Казахстан, Гүрж, Армени, Монгол улсын элчин сайдын яамдын гадна ийм талархлын эд зүйлсийг үлдээснийг гэрэл зургаар харуулсан байна. Сүүлийн байдлаар цэргийн дайчилгаанаас зугтсан ОХУ-ын 200,000 орчим иргэн хөрш орнуудын хилийг давсан тухай эх сурвалжууд мэдээлжээ.
