ДОРНЫН ЗУРХАЙ: Үс шинээр үргээлгэх буюу засуулбал “Сайн нөхөртэй учирах” хэмээх сайн

Аргын тооллын 10 сарын 13, Бархасвадь гараг. Билгийн тооллын 19,

НАМРЫН ДУНД ШАРАГЧИН ТАХИА САРЫН ТАВАН ШАР ШАРАГЧИН ГАХАЙ ӨДӨР

• Үс засуулвал: Сайн нөхөртэй нөхөрлөнө
• Наран ургах, шингэх: 07.08-18.09
• Барилдлага: Хүчин төгсөх
• Шүтэн барилдлага: Хүрэлцэхүй
• Суудал: Огторгуй

Нэгэн эхийн зургаан хөвгүүн одтой, шарагчин гахай өдөр. Энэ өдөр туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сүм дуганыг сэргээх, нялхсын хурим хийх, хийморийн дарцаг хатгахад сайн. Газар ухах, худаг гаргах, гөлөг тэжээх, уул овоо тахихад муу.

Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш мөрөө гаргавал зохистой. Тэрсүүд өдөр. Үс шинээр үргээлгэх буюу засуулбал “Сайн нөхөртэй учирах” хэмээх сайн.