Ж.Мөнхбат: Би ямар Э.Цэндбаатарт өртэй биш, машин өгөх албагүй

МУГТ Э.Цэндбаатар гавьяатын найраа хийж байх үед нутгийнх нь гишүүд болох Ж.Мөнхбат, Ё.Баатарбилэг нар ирж, баяр хүргэсэн. Энэ үеэрээ “Jimmy машин бэлэглэж байгаагаа зарласан. Гэвч одоо болтол амласан машинаа эзэнд нь өгөөгүй байгаа гэнэ.

Энэ талаар УИХ-ын гишүүн Ж.Мөнхбат “Өнгөрсөн хавар МУГТ Э.Цэндбаатар гавьяатын найраа хийхдээ бид нарыг урьсан. Тухайн үед нутгийн зөвлөл зөвлөлдөөд “Jimmy” гэдэг машин бэлэглэхээр эрхийн бичиг өгсөн. Бид ямар хувиасаа авч өгөх мөнгөтэй биш. Эсвэл төсвийн мөнгөөр авч өгөх биш. Нутгийн зөвлөл бол иргэдээсээ хандив цуглуулж байгаад шагналыг чинь шийдвэрлэж өгнө гэдгээ өөрт нь хэлсэн. Гэтэл үүнээс хоёр сарын дараа Э.Цэндбаатар хэвлэл мэдээллээр янз бүрийн ярьж эхэлсэн. Бид Цэндбаатарын нэрийг барьж, PR хийнэ гэж юу байх вэ.  Сүүлийн үед бүр ингэн барин хүнд юм өгөх албатай ч биш гэж бодож байна. Бид Э.Цэндбаатарт өргүй. Ямар залилан хийсэн биш. Ер нь манай тамирчид ёс зүйтэй байх хэрэгтэй” гэжээ.