ДОРНЫН ЗУРХАЙ: Энэ өдөр хонь, туулай жилтнээ аливаа үйлийг хийхэд эерэг сайн

БИЛГИЙН ТООЛЛЫН 30 2022.10.25 / МЯГМАР ГАРАГ

НАМРЫН ДУНД ШАРАГЧИН ТАХИА САРЫН ХОЁР ХАР МЭНГЭТЭЙ ЦАГААГЧИН ГАХАЙ ӨДӨР

• Үс засуулвал: Эрлэг лугаа учирна
• Наран ургах, шингэх: 07.26-17.47
• Барилдлага: Хүчин төгсөх
• Шүтэн барилдлага: Төрөн түгэхүй
• Суудал: Хий

Энэ өдөр хонь, туулай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, хараал, жатхыг буцаах, нялхсын хурим хийх, огторгуйн үүдийг боох, их хүмүүнтэй уулзахад сайн. Газар ухах, худаг гаргах, балгадын суурь тавих, нохой худалдан авахад муу.

Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагшаа мөрөө гаргавал зохистой. Үс шинээр үргээлгэх буюу засуулахад тохиромжгүй.