Технологи, Инновацид түшиглэсэн эдийн засгийн харилцааг эрчимжүүлнэ

Монгол Улсын Их Хурлын дарга Г.Занданшатар тэргүүтэй төлөөлөгчдийн хамтаар Бүгд Найрамдах Солонгос улсад ажлын айлчлал хийж байна.

Айлчлалын хүрээнд БНСУ-ын Үндэсний ассамблейн дарга Ким Жин Пё-той уулзаж, хоёр улсын харилцаа, хамтын ажиллагааг өргөжүүлэх чиглэлээр санал солилцлоо. Уулзалтаар

Парламентын ардчиллыг бэхжүүлэхэд хамтран ажиллах;

Хиймэл оюун ухаанд суурилсан хууль тогтоох ажиллагаа, нийтийн сонсголыг зохион байгуулдаг арга туршлагаас суралцах;

Ногоон эдийн засагт суурилсан хөрөнгө оруулалт, бүтээн байгуулалтыг нэмэгдүүлэх;

“Эдийн засгийн түншлэлийн хэлэлцээр” байгуулах, хөрөнгө оруулалтын баталгааг хангах;

Иргэд, аж ахуйн нэгжүүдийн харилцааг өргөжүүлэх;

Технологи, инновац, аж үйлдвэрлэлд түшиглэсэн эдийн засгийн харилцааг шинэ түвшинд гаргах;

Түүх, соёл, шинжлэх ухаан, технологи, аялал жуулчлал, уул уурхайн салбарын хамтын ажиллагааг өргөжүүлэх асуудлаар ярилцжээ.