Дэлхийн шигшээд Монголоос анх удаа багтсан Майк Шаравжамц гэж хэн бэ

Дэйтоны их сургуулийн сагсан бөмбөгийн “Flyers” багт тоглож буй Майк Шаравжамц буюу Ш.Энхийн-Од Монголын спортын салбарт нэгэн шинэ хуудас нээж, дэлхийд эх орныхоо нэрийг гаргаж буй өсөх ирээдүйтэй залуу тамирчин юм.

• Ш.Энхийн-Одын Америк нэр нь Майк билээ. Аавынхаа үргэлжлэл болох ирээдүйтэй, авьяастай гэж багаасаа үнэлэгдсэн Ш.Энхийн-Од аав шигээ сагсан бөмбөгчин болохыг мөрөөдөн, найман настайгаасаа сагсан бөмбөгөөр спортоор хичээллэж эхэлжээ.

• Тэрээр АНУ-ын Финикс хотод мэндэлсэн, тэнд хоёр жил амьдарсан. Одоо 19 настай, 203 см өндөр, 75 кг жинтэй.

• “24/7 Sports” сайтын гаргасан чансаагаар 91 дүгээрт эрэмблэгдсэн Майк Шаравжамц коллежийн анхны тоглолтоо 10 оноо, таван ашигтай дамжуулалт, гурван самбараас бөмбөг авалттай дуусгасан.

• Майк Шаравжамц нь NCAA-ийн нэгдүгээр дивизоны тэтгэлэг хүртсэн анхны монгол тамирчин бөгөөд сүүлийн 10 жилийн хугацаанд Дэйтоны гараанд нэрлэгдсэн хоёр дахь нэгдүгээр курсын оюутан аж.

• Түүний аав Ц.Шаравжамц “Harlem Globetrotters” багтай гэрээ байгуулан Монголын анхны мэргэжлийн сагсан бөмбөгчин болж байжээ.

• Ш.Энхийн-Одын ах Мөнхийн-Од нь мөн сагсан бөмбөг тоглодог.
• Түүний мөрөөдөл нь NBA-ийн тамирчин болж, эх орондоо сагсан бөмбөгийн академи байгуулах аж.