Б.Бат-Эрдэнэ: ДНБ өндөртэй орнуудын иргэдийн визийг чөлөөлнө
Засгийн газрын лхагва гаргийн ээлжит хуралдаанаас гаргасан шийдвэрийг танилцуулаа. Энэ үеэр Байгаль орчин, аялал жуулчлалын сайд Б.Бат-Эрдэнэ дараах мэдээллийг өглөө.
Тэрбээр “2023-2025 оныг Монголд зочлох жил болгон зарлаж байгаа. Энэ ажлын хүрээнд аялал жуулчлалын бизнес эрхлэгчийн ажлыг тодорхой цэгцтэй болгоно. ДНБ өндөртэй орнуудын иргэдийн визийг чөлөөлөх, цахим визийг олгох болно. Ирсэн жуулчин болгонд НӨАТ-ын буцаан олголтыг өгнө.Ариун цэврийн байгууламжуудыг цэгцлэх асуудлыг хуульд тодорхой хэмжээнд тусгаж байгаа. ААН-үүд өөрсдөө цэгцлэх бөгөөд төрөөс аж ахуйн албан татвартай холбох байдлаар шийдлийг гаргах юм. Тухайлбал шатахуун түгээх станцууд байна. Арваннэгдүгээр сарын 30-ныг хүртэл бүх шатахуун түгээх станцын нүхэн жорлонг байхгүй болгож, шинэчлэх албан даалгавар өнгөрсөн дөрөвдүгээр сараас хэрэгжиж байна.Эрхзүйн хүрээнд нүхэн жорлонгийн асуудлыг цэгцэлнэ. Энэ нь хуулийн хүрээнд байх ёстой” гэлээ.
