“Цагдаагийн үнэмлэх үзүүлж, хяналтын камер шүүсэн иргэдийг шалгаж байна”

Жүжигчин У.Цогтбаярын дүүгийн гэр рүү үл таних хүмүүс халдсан тухай мэдээлэл нийгмийн сүлжээнд цацагдсан. Энэ талаар ЦЕГ-аас тодруулга өгсөн байна.

 Тодруулгад “Цагдаагийн байгууллагын 102 дугаарын утсанд энэ сарын 14-ний өдрийн  23.43 цагт  Хан-Уул дүүргийн нутаг дэвсгэрт байрлах гэрийн хаалганы завсраар шингэрүүлсэн хий шахсан гэх дуудлага ирсэн. Дуудлагыг хүлээн авч шалгахад тухайн байрны гадна талд будгаар юм бичиж, цаас наасан байсан. Түүнчлэн тухайн өдрийн 20.40 цагийн орчимд хар өнгийн хувцастай 2 этгээд орж хяналтын камер шүүгээд, орцноос гарч байгаа нь бичигдсэн. Дээрх хоёр иргэн нь тус байрны камерын хяналтын бичлэгийг үзэхээр орох үедээ өөрсдийгөө цагдаагийн алба хаагч, эрүүгийн цагдаагийн албанаас явж байна гэж танилцуулан, хөндлөн зураастай үнэмлэх үзүүлсэн” гэлээ. Ташрамд дурдахад цагдаагийн байгууллагын алба хаагчид хөндлөн зураастай албаны үнэмлэх хэрэглэдэггүй ажээ.

Similar Posts

0 0 Санал
Үнэлгээ
Бүртгүүлэх
Мэдэгдэх
guest
0 Сэтгэгдэл
Inline Feedbacks
View all comments