“The Hu” хамтлаг “Hellfest” наадамд оролцохоор болжээ

2006 оноос хойш тасралтгүй зохион байгуулагдаж байгаа металл хөгжим сонирхогчдын хамгийн ихээр зорьдог “Hellfest” наадам ирэх оны зургаадугаар сарын 15-18-нд Францын Клиссонд болохоор товлогджээ.

Уг наадамд шилдэг 179 хамтлаг оролцохоор зарлагдсанаас “The Hu” хамтлагийг зохион байгуулагчдын зүгээс онцолсон байна. Мөн “The Hu” хамтлаг тус наадамд оролцсон Азийн хоёр дахь хамтлаг болж буйгаараа онцлог аж.