Хулгайч нар “Гөлөг төөрүүлэх” үйл ажиллагаа явуулж байна

Эдийн засгийн хөгжлийн сайд Ч.Хүрэлбаатар нүүрсний хулгайн хэрэгтэй холбогдуулан өөрийн цахим хуудсандаа ийн бичжээ.

Тэрээр “Нүүрсний хулгайн хэргийг эзэн биегүй болгох, жинхэнэ хулгайч нараас холдуулах, саармагжуулахын тулд өргөн хүрээтэй “гөлөг төөрүүлэх” ажиллагаа явж байна. Үнэнг худал болгох, худлыг үнэн болгох ажил ч идэвхжиж байна. “Гөлөг төөрүүлэх” ажиллагааг хулгайч нар ихээхэн мөнгөөр зохион байгуулж байна. Их мөнгө зараад нүүрсний хулгайгаа төөрөгдүүлж чадах уу? Үгүй л байх гэж их найдаж байна” гэжээ