АТГ-аас Т.Аюурсайханы шадар туслах асан ХБХХЕГ-ын дарга И.Даваадоржийг “нүүрсний“ хэрэгт холбогдуулан цагдан хорьжээ

Хөгжлийн бэрхшээлтэй хүний хөгжлийн ерөнхий газрын дарга И.Даваадоржийг “нүүрсний” гэх тодотголтой хэрэгт холбогдуулан шалгахаар АТГ-аас саатуулж, цагдан хорьжээ. И.Даваадоржийг одоогийн ХНХЯ-ын сайд Т.Аюурсайханы хоёр шадар туслахын нэгээр ажиллаж байгаад түүнийг сайдаар томилогдсоны дараахан буюу өнгөрөгч оны аравдугаар сард Засгийн газрын ээлжит хуралдааны шийдвэрээр Хөгжлийн бэрхшээлтэй хүний хөгжлийн ерөнхий газрын даргын түр орлон гүйцэтгэгчээр томилогдож байсан юм.