Т.Аюурсайхан: Нүүрсний асуудлаар намайг шалгаад юу ч гарахгүй

ХНХЯ-ын сайд Т.Аюурсайханы хоёр шадар туслахын нэгээр ажиллаж байсан И.Даваадоржийг “нүүрсний” гэх тодотголтой хэрэгт холбогдуулан шалгахаар АТГ-аас саатуулж, цагдан хорьжээ.

Энэ талаар ХНХЯ-ын сайд Т.Аюурсайхан, “Намайг нэгжиж шалгсан зүйл байхгүй. Шаардлагатай мэдүүлгийг өгөх нь өгсөн. Түүнээс би энэ нүүрсний хэрэгтэй холбоотой гэх зүйл байхгүй. Намайг шалгаад юу ч гарахгүй. Би “Эрдэнэс тавантолгой” ХК-ийн Б.Ганхуягтай гэмгүй найз нөхөд. Найз нөхөрлөлөө ажил албатайгаа хольж хутгасан зүйл байхгүй. Зарим хүмүүс намайг өөрсөд шиг ээ бодож танил талаа гар хөлөө болгож мөнгө иддэг гэж бодсон байх” хэмээв.