НПГ: “Тавантолгой төмөр зам“ ХХК-ийн гүйцэтгэх захирал Н.Удаанжаргалыг Монгол Улсад авч ирэхээр ажиллаж байна

Прокурорын байгууллагаас 2022 онд хүний эрхийн талаар зөрчигдсөн эрхийг сэргээх, байгууллагын үйлчилгээг иргэдэд хүргэх чиглэлээр мөн Нийслэлийн прокурорын газраас хяналт тавьсан зарим гэмт хэргийн шийдвэрлэлт, явц байдлын талаар мэдээлэл хийлээ. Энэ үеэр НПГ-ын Хэрэг бүртгэх, мөрдөн байцаах ажиллагаанд хяналт тавих, нэгдүгээр халтсийн дарга Б.Мөнх-Од “Тавантолгой Төмөр Зам” ХХК-ийн гүйцэтгэх захирал Н.Удаанжаргалыг эргүүлэн татах талаар мэдээлэв.

Тодруулбал, “Цагдаагийн байгууллагатай хамтарсан ажлын хэсэг байгуулж, “Тавантолгой Төмөр Зам” ХХК-ийн гүйцэтгэх захирал Н.Удаанжаргалыг Монгол Улсад эргүүлэн татан авах ажиллагааны талаар холбогдох шалгалтын ажиллагааг хийж байна” гэлээ.