Хоёр эрэгтэйн дундаас үр тогтоох туршилт амжилттай болжээ

Японы Осакагийн их сургуулийн профессор Кацүхико Хаяаши эр хулганын эсээс өндгөн эс гаргаж чадсанаа Лондон хотод болсон генетикийн шинжлэх ухааны олон улсын хурал дээр зарлажээ. Тодруулбал, тэрбээр эрэгчний XY хромосомыг эмэгчний XX хромосом болгон хувиргаж чадсан байна.

Ингэснээр хоёр эрэгчний дундаас үр төл гаргах чиглэлд ахиц дэвшил гарч буй ч, уг өөрчлөлтийг нийгэм хүлээн зөвшөөрч, амьдралд хэрэгжүүлэхэд урт хугацаа шаардлагатай гэж хөндлөнгийн мэргэжилтнүүд дүгнэжээ.