СЭРЭМЖЛҮҮЛЭГ: Гар утсаа цэнэглэнгээ тоглож байсан 13 настай хүү тогонд цохиулж нас баржээ

Цагдаагийн байгууллагад 2023 оны 03 дугаар сарын 08-ны өдрийн 12 цаг 10 минутад Дорноговь аймгийн Сайншанд сумын нэгдсэн эмнэлэгт “Цахилгаанд цохиулсан хүүхэд ирээд нас барсан” гэх дуудлага, мэдээлэл бүртгэгджээ.

Дуудлага, мэдээллийг тус аймгийн цагдаагийн газраас шалгахад тус суманд оршин суух хаягтай, 14 настай, эрэгтэй “Т” гэгч хүүхэд уртасгагч залгуурт цэнэглэж байсан гар утсаа оролдож байгаад цахилгаанд цохиулж нас барсан хэрэгт мөрдөн шалгах ажиллагаа явуулж байгаа тухай цагдаагийн байгууллагаас мэдээлэв.