“Гүний уурхай ашиглалтад орсноор нэгэн зууны хугацаанд Монгол Улс, монголчууд үр өгөөжийг нь хүртэх боломжтой”
Оюу толгойн гүний уурхайн олборлолт өнөөдөр буюу гуравдугаар сарын 13-наас албан ёсоор эхэлж байна. Үүнтэй холбоотойгоор Монгол Улсын Ерөнхий Сайд Л.Оюун-Эрдэнэ байр сууриа илэрхийллээ. Тэрбээр:
“Оюу толгой”-н ордыг 100 орчим жил ашиглах нөөцтэй гэдэг. Гүний уурхай ашиглалтад орсноор нэгэн зууны хугацаанд Монгол Улс, монголчууд үр өгөөжийг нь хүртэх боломжтой. Түүхэн энэ өдөр та бүхний ажил үйлс бүтэмжтэй байхыг хүсэн ерөөе” гэжээ.
