Кюкүшюзан Батбаяр, Т.Баясгалан нарын хууль бус барилгыг эсэргүүцсэн иргэн гомдол гаргажээ
Энэ оны дөрөвдүгээр сарын 02-ны өдөр ХУД-19. Грийнхаус хотхоны СӨХ-ийн дарга С.М нь Грийнхаус хотхоны хажууд баригдаж байгаа спорт заалыг Кюкүшюзан Батбаяр, Т.Баясгалан нар албан ёсны зөвшөөрөлгүй барилга барьж байна гэж үзэж хотхоны орчим барилга бариулахыг эсэргүүцэж 2х6 метрийн хэмжээтэй
"Кюкүшюзан Батбаяр, Т.Баясгалан нар Грийн хаус хотхоны байранд нийтийн орон сууцны орчины булан тохой бүрт, Токио тауэр, спорт заал, таун хаус, 14 айлын орон сууц, кюкшюзан сан, гэх 5 барилга бариад бүгдийг нь зарж дуусгасан. Одоо грийн хаус хотхоны урдах спорт заал, орон сууцыг нурааж 14 давхар оффисын барилга барих гэнэ. Энэ бага зай талбайд өндөр барилга бариад.... хотхоны 300 гаруй оршин суугчдын эрх ашиг зөрчигдөх болно. Энэ гэр бүлийн хоёр орчны бүх газрын ховх сорж, мөлжиж дуусгасан ч ханаж цадсангүй. Бидний амьдралыг бусниулж орон гэрээсээ дайжих нөхцөл рүү тулгахыг зөвшөөрөхгүй бид хотхоноосоо хаашаа ч явахгүй. Бидний амьдралд саад болохгүй савраа татаарай. Барилга барихыг эсэргүүцэж байна. Барилга барихыг зогсоох хүртэл бид тэмцэх болно" гэсэн бичиглэлтэй хулдаасан хэвлэлийг иргэн Д.Батбаяр ирж хутгаар хуулж зүсэж авч явж танхайрсан гэж өргөдөл гаргасныг ХУДЦГ-ын нэгдүгээр хэлтсээс шалгаж байна.
