Архидан согтуурсан үедээ нэгнийгээ зодож аминд нь хүрчээ
Цагдаагийн байгууллагад 2023 оны дөрөвдүгээр сарын 10-ны өдрийн 05 цаг 48 минутад Нийслэлийн Сүхбаатар дүүргийн 12 дугаар хорооны нутаг дэвсгэрт “Нийтийн байранд хүн нас барсан байна” гэх дуудлага, мэдээлэл бүртгэгдсэн.
Дуудлага, мэдээллийг тус дүүргийн цагдаагийн газрын Хоёрдугаар хэлтсээс шалгахад 53 настай, эрэгтэй “Ю” гэгч амь насаа алдсан байжээ. Мөрдөн шалгах ажиллагааны явцад 39 настай, эрэгтэй “Г” гэгч нь архи, согтууруулах ундааны зүйл хэрэглэсэн үедээ түүнийг зодож амь насыг хохироосныг илрүүлэн мөрдөн шалгах ажиллагаа явуулж байна.
