Э.Содномпилжээ Дэлхийн цомоос зургаа дахь алтан медалиа зүүлээ

Паралимпийн алт, хүрэл медальт, Хөдөлмөрийн баатар, гавьяат тамирчин Энхбаярын Содномпилжээ, гавьяат дасгалжуулагч Б.Баттулгын хамт Гүржийн нийслэл Тбилисид  болсон пара пауэрлифтингийн Дэлхийн цомын тэмцээнд хүч үзэн алтан медаль хүртлээ.

Э.Содномпилжээ +107 кг-ын жинд цээжнээс 240 кг-ыг шахснаар Дэлхийн цомоос алтан медалийг зүүсэн юм.

Тэрээр цахим хуудсаараа дамжуулан энэхүү баярт мэдээгээ хуваалцан “БТСУХ , Үндэсний Шигшээ баг, САЭШ Алба, МҮПаралимпийн Хороо, МПНХ ныхоо нийт хамт олондоо баярлалаа” хэмээн бичжээ.