Гурван сартай хүүхэдтэй хүн цахилгаан шатанд түгжигдсэнийг эсэн мэнд гаргажээ

ОБЕГ-аас өгсөн мэдээллээр, Баянзүрх дүүргийн 43 дугаар хороонд цахилгаан шат гацаж дотор нь бага насны хүүхэдтэй хүн түгжигдсэн тухай дуудлагыг өчигдөр 18:09 цагт хүлээн авчээ.

Нийслэлийн Аврах ангийн алба хаагчдыг очиход цахилгаан шат гацаж, дотор нь 34 настай эмэгтэй гурван сартай охинтойгоо хамт түгжигдэж байсныг цахилгаан шат хариуцсан засварчинтай хамтран 30 минут ажиллан хаалгыг онгойлгож, гаргасан байна.

Хотын стандартын лифтэнд тавигдах шаардлагад лифт эзэмшигч нь түүний ажиллагаанд хяналт тавьж, засвар, үйлчилгээг тогтмол хийх зохион байгуулалтын арга хэмжээ авах замаар лифтний бүрэн бүтэн байдал, аюулгүй ажиллагааг хангаж, засвар техник үйлчилгээ болон магадлалыг цаг хугацаанд нь тогтмол хийлгэх, мэргэжлийн ажилчин ажиллуулна хэмээн заасан байдаг. Иймд стандартаа мөрдөж ажиллах нь чухал гэдгийг дээрх үйл явдал харуулж байна.

Similar Posts

0 0 Санал
Үнэлгээ
Бүртгүүлэх
Мэдэгдэх
guest
0 Сэтгэгдэл
Inline Feedbacks
View all comments