"Шүүхийн төсөв: өнөөгийн байдал, шийдвэрлэх арга зам" сэдэвт хэлэлцүүлэг болно

Шүүхийн ерөнхий зөвлөлөөс өнөөдөр 14.00 цагт “Шүүхийн төсөв: өнөөгийн нөхцөл байдал, шийдвэрлэх арга зам” сэдэвт хэлэлцүүлэг өөрийн байрандаа зохион байгуулах гэж байна.

Хэлэлцүүлэгт Шүүхийн ерөнхий зөвлөлийн дарга, гишүүд, Улсын их хурлын гишүүн, Төсвийн байнгын хорооны дарга Г.Тэмүүлэн, Сангийн яам, Эдийн засгийн яамны төлөөллүүд болон нийт шүүхийн Тамгын газрын дарга нар оролцоно.

ХЭЛЭЛЦҮҮЛГИЙН ХӨТӨЛБӨР
Чиглүүлэгч: А.Насандэлгэр, Шүүхийн ерөнхий зөвлөлийн гишүүн
14:00-14:10	10’	*Нээлтийн үг:* Р.Онончимэг, Шүүхийн ерөнхий зөвлөлийн дарга
14:10-14:30	20’	Монгол Улсын төсвийн бодлогын шинэтгэл Г.Тэмүүлэн, Монгол Улсын Их Хурлын гишүүн, Төсвийн байнгын хорооны дарга
14:30-14:50	20’	Шүүхийн төсвийн сүүлийн жилүүдийн харьцуулалт А.Насандэлгэр, Шүүхийн ерөнхий зөвлөлийн гишүүн
14:50-15:10	20’	Монгол Улсын шүүхийн санхүүжилтийн механизмыг шинэчлэх шаардлага Н.Отгончимэг, Шүүхийн ерөнхий зөвлөлийн гишүүн
15:10-15:30	20’	Үр дүнд суурилсан төсөвлөлт НҮБХХ-ийн төслийн нэгжийн мэдээлэл
15:30-15:40	10’	Шүүхийн хэвийн үйл ажиллагааг хангах чиг үүргийн хэрэгжилтийн өнөөгийн байдал Г.Болормаа, Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн Тамгын газрын дарга
15:40-16:10	30’	Санал солилцох Оролцогчид: Г.Тэмүүлэн, Монгол Улсын Их Хурлын гишүүн, Төсвийн байнгын хорооны дарга Шүүхийн ерөнхий зөвлөлийн дарга, гишүүд, Гүйцэтгэх нарийн бичгийн дарга, Ажлын албаны нэгжийн дарга нар Сангийн яамны төлөөлөл Эдийн засгийн хөгжлийн яамны төлөөлөл Шүүхийн Тамгын газрын дарга нар танхимаар, орон нутаг дахь шүүхийн Тамгын газрын дарга нар цахимаар