ХБ: Шүүгдэгч Н.Алтанхуяг, Н.Сүхболд нарын өмгөөлөгчид нотлох баримтыг шинжлэн судалж
Хөгжлийн Банкны гэх эрүүгийн хэргийн гэм буруугийн шүүх хуралдаан Улаанбаатар чуулгын байранд 23 дахь өдрөө үргэлжилж байна.
Тус шүүх хуралдаан өнгөрсөн долоо хоногоос эхэлж нотлох баримтыг шинжлэн судлах үе шатанд шилжсэн билээ. Ингэснээр шүүгдэгчдийн өмгөөлөгч, прокурорууд хавтаст хэрэгт авагдсан нотлох баримтыг уншиж шүүх хуралдаанд танилцуулж байгаа юм.
Өнөөдрийн шүүх хуралдаанаар шүүгдэгч Н.Алтанхуяг, Н.Сүхболд, Б.Батбаяр нарын өмгөөлөгчид хавтаст хэрэгт авагдсан нотлох баримтыг шинжлэн судалж байна. Ингэснээр нотлох баримтыг шинжлэн судлах сүүлчийн үе шат руу орж байгаа юм.
Хэрэг хянан шийдвэрлэх эрх зүй нь мөрдөн шалгах чиг үүрэггүй болсон . Тиймээс талуудын мэтгэлцээний үндсэн дээр бодит байдлыг тогтоох хэлбэрт шилжсэнийг шүүгчдийн зүгээс хэлэв.
