ХХААХҮЯ, МХЕГ, БШУЯ “тэнэсэн” Ч.Энх-Амгалан Соёлын яаманд ажиллаж байна
Соёлын яамны Төрийн нарийн бичгийн даргын үүргийг түр орлон гүйцэтгэгчээр Ч.Энх-Амгалан ажиллаж байна.
Тэрбээр 2010 онд буюу С.Батболдын Засгийн газрын үед Хүнс хөдөө аж ахуй хөнгөн үйлдвэрийн яамны Хүнсний үйлдвэрлэл, худалдаа, үйлчилгээний бодлогын хэрэгжилтийг зохицуулах газрын даргаар ажиллаж байв. Дараа нь Мэргэжлийн хяналтын ерөнхий газрын Хүнсний аюулгүй байдал, хөдөө аж ахуйн хяналтын газрын дарга болсон.
Үүнийхээ дараа Боловсрол, шинжлэх ухааны яамны Хяналт шинжилгээ, үнэлгээ, дотоод аудитын газрын дарга болж байлаа. Гэвч өнгөрсөн жилээс тэрбээр Соёлын яаманд ирж, Төрийн нарийн бичгийн даргын алба хаших болжээ.
