АТГ: БЗС-гийн албан тушаалтнуудыг хэрхэн сонгосон нь тодорхойгүй, шаардлагад нийцэхгүй хүмүүсийг томилсон

АТГ-аас Боловсролын зээлийн санд хийсэн шалгалтынхаа талаар өнөөдөр мэдээлэл хийлээ.Боловсролын зээлийн санг шалгах Ажлын хэсэг байгуулагдан, хэрэг бүртгэл нээн ажиллаж байгаа юм.

Энэ талаар АТГ-ын Хэвлэл мэдээлэл, олон нийттэй харилцах  ажилтан Н.Тэмүүлэн “АТГ БЗС-д шалгалт явуулж, хэд хэдэн зөрчил илрүүллээ.Нэгдүгээрт, БЗС-гийн албан тушаалтнуудыг хэрхэн сонгосон нь тодорхойгүй.Шаардлага хангаагүй хүмүүсийг томилсон байна.Өөрийн сургалтын төлбөрийг чөлөөлүүлсний дараа барьцаа хөрөнгийг чөлөөлүүлэх бичгийг өөрсдөө үйлддэг. Сургалтын төлбөрийг хувийн данс руу шилжүүлдэг.Австрали доллараар сургуулиас нэхэмжлэл ирэхэд америк доллараар шилжүүлдэг. Зээлийг эргэн төлүүлэхэд анхаардаггүй гэсэн олон зөрчил байна.Үргэлжлүүлэн хяналт шалгалт хийж байна” гэв.