ХАА-г дэмжих сангаас нэг тэрбумаас их зээл авсан ч төлөөгүй компаниуд

Хөдөө аж ахуйг дэмжих сангийн shilen.gov.mn-д нээлттэй байршуулсан мэдээллийг хүргэе.

Тус сан нь нийт 207 гаруй тэрбум төгрөгийн зээлийг 1994 оноос эхэлж олгожээ. Үүнээс  131 гаруй тэрбум төгрөгийн зээлийн хугацаа нь дууссан хэдий ч төлөгдөөгүй байна.

Ийн нэг тэрбумаас дээш зээл авч хугацаа нь дууссан зарим зээлдэгчийн нэрсийг танилцуулъя. 

1. “Арованна” ХХК-МХС 2017 онд 4.5 тэрбум төгрөгийн зээл авч 2022 онд дууссан ч огт төлөлт хийгээгүй.
2. “Милл хаус” ХХК 2022 онд 4.9 тэрбум төгрөгийн зээл авсан. Тухайн ондоо зээлийн хугацаа дууссан бөгөөд 3.9 тэрбум төгрөгийн зээлийн үлдэгдэлтэй.
3. “Эрдэнэтфүүдс” ХХК 2017 онд 5.4 тэрбумын зээл авч тухайн ондоо хугацаа дууссан ч 2.9 тэрбум төгрөгийн өрийн үлдэгдэлтэй.
4. “Дархан гурил тэжээл” ХК 2011 онд 5.4 тэрбум төгрөгийн зээл авсан. Зээлийн хугацаа тухайн ондоо дууссан боловч одоогоор 1.3 тэрбум төгрөгийн үлдэгдэлтэй.
5. “Чансаа хан хөхий холдинг” ХХК 2017 онд 2.1 тэрбум төгрөгийн зээл авч 2022 онд зээлийн хугацаа дуусан ч огт төлөлт хийгээгүй байна.