Гадаадад вакцины хоёр тунгаа хийлгээд ирсэн иргэдийг тусгаарлахгүй

Гадны улсад “Covid19”-ийн эсрэг вакцины хоёр тунгаа хийлгэсэн иргэд тусгай нислэгээр эх орондоо ирэхэд тусгаарлалтад оруулахгүй аж. Хоёр тун вакцинаа хугацаандаа хийлгэсэн иргэд холбогдох газар бүртгүүлж, гэртээ харих боломжтой юм байна.

Харин вакцинд хамрагдаагүй иргэдийг долоо хоног тусгаарлах бөгөөд хоёр удаа шинжилгээ авна. Шинжилгээний хариу сөрөг гарвал гэрт нь гаргана.

Ойрын хавьтлыг 14 хоног гэрээр тусгаарлах бөгөөд энэ хугацаанд гурван удаа шинжилгээ авч сөрөг гарвал нийгмийн харилцаанд орж болно. Халдвар авсан хүн 14-21 хоног тусгаарлагдаж, шинжилгээ өгнө гэдгийг Шуурхай штабаас мэдээллээ.