Өчигдөр хоёр сартай жирэмсэн эмэгтэй, таван настай хүүгийн хамт нөхөртөө зодууллаа

Өчигдөр буюу хүүхдийн эрхийг хамгаалах баярын өдрөөр хоёр сартай жирэмсэн эмэгтэй, таван настай хүүгийн хамт нөхөртөө зодуулсан хэрэг гарлаа. Тухайн этгээдийг эрүүлжүүлэх байранд нэг өдөр хонуулаад сулласан байна. Хүүгийн эгч:

“Манай дүү өчигдрөөс эхлээд утсаа авахаа больсон. Ингээд над руу залгасан. Шөнөжингөө зодуулаад утсыг нь эвдэлчихсэн байсан. Өөр хоорондоо муудалцсан юм уу гэтэл таван настай хүүг нүд хальтрам болтол зодсон байсан. Цагдаад хандахад эрүүлжүүлээд сулласан байсан. Гэтэл цагдаа нар хорьж өгөхгүй байна. Ингээд цагдаа сэргийлэх болсон учир шөнө ирээд зодоод алчихвал яах юм бэ. Үхсэнийх нь дараа үхчихлээ гээд өнгөрөх юм уу” гэв.

Харин хүүгийн ээж: “Би энэ хүнтэй хамт амьдраад 4 сар болж байна. Хүүхдийн баярын өдөр 70 гаруй настай аавыгаа цохиж унагаад, бид хоёр гараад зугттал, хүүг минь “Яасан эрх юм бэ, алчихъя л даа” гээд хүүхэд цохиод боож унагасан. Би хэрэндээ хамгаалсан ч чадаагүй. Ээж, аав руугаа хүртэл агсарч, дайрдаг” гэв. Уг хэргийг харъяаллын дагуу цагдаагийн хэлтэст шалгаж байгаа аж.