Бан Ги Мүн: Хэнийг ч ардаа орхихгүй нэгнээ дэмждэг хандлага Монгол хүнд бий

“Алтай дамнасан тогтвортой байдлын яриа хэлэлцээ” чуулга уулзалт Төрийн ордонд болж байна.

Энэ үеэр НҮБ-ын найм дахь Ерөнхий нарийн бичгийн дарга Бан Ги Мүн “Монгол Улс гайхалтай байгальтай төдийгүй, хувирч нугарахгүй оюун санаа бүхий ард түмний нутаг билээ.Хэнийг ч ардаа орхихгүй нэгнээ дэмждэг хандлага монгол хүнд бий. Энэ нэгдмэл нэг ойлголт нь хамтын ажиллагаагаа улам өргөжүүлэхэд туслах болно.Дэлхийн орнуудад очиж ажиллахад тэгш бус байдал харагдсаар байна. Тиймээс энэ асуудлын эсрэг дуу нэгтэйгээр тэмцэх ёстой. Эмэгтэйчүүдийн манлайлал, шийдвэр гаргах түвшинд эмэгтэйчүүдийн оролцоог сайжруулахад анхаарах зайлшгүй шаардлагатай. Энэ чиглэлээр бодитой ахиц дэвшил гаргахын тулд түншлэлүүдийг бий болгох хэрэгтэй” гэв.