Наадмын хаалтын шоу өнөөдөр төв талбайд болно
Төв цэнгэлдэх хүрээлэнд өчигдөр баяр наадмын нээлтийн үйл ажиллагаа ёслол төгөлдөр болж, орой “Улаанбаатарын үдэш” шоу тоглолт төв талбайд болсон. Харин өнөөдөр /2023.07.12/ наадмын хаалтын үйл ажиллагаа болох бөгөөд энэ үеэр дрон шоу, ёслолын буудлага болох юм.
Наадмын хаалтын үйл ажиллагаанд Г.Жаргалсайхан /”Соёл-Эрдэнэ” хамтлаг/, хөгжмийн зохиолч Б.Чинбат, Н.Халиун, гитарчин Д.Өлзий-Орших, А.Хаянхярваа /”Номин талст” хамтлаг/, “Sweetymotion” болон “S4” хамтлагууд оролцоно.
