“Монголын төмөр зам” ТӨХК-ийн шинэ захирал Б.Отгонсүх гэж хэн бэ?

Зам, тээврийн хөгжлийн сайдын ээлжит шуурхай хуралдаанаар “Монголын төмөр зам” ТӨХК-ийн Гүйцэтгэх захирал П.Ганхүүг үүрэгт ажлаас нь чөлөөлжээ. Түүний оронд Улаанбаатар хот дахь Гаалийн газрын дарга асан Батсуурийн Отгонсүхийг томилжээ.

Б.Отгонсүх нь Өвөрхангай аймгийн Хархорин сумын Засаг дарга, 2016-2020 онд НИТХ-ын төлөөлөгч, 2019 оноос Нийслэлийн Засаг даргын Зам тээврийн төслүүдийн удирдагч, 2021-2022 он хүртэл Замын Үүдийн Гаалийн газрын даргаар ажиллаж байсан туршлагатай.

Боловсрол:

• 1989-1999 онд Өвөрхангай аймгийн Ерөнхий боловсролын хоёрдугаар дунд сургууль
• 2001-2004 онд Монгол Улсын Их Сургуулийн Философи, нийгэм, улс төр судлал бакалавр
• 2011-2013 онд Удирдлагын академийн Нийгмийн ухааны магистр
• 2014-2015 онд АНУ-ын Saint Thomas University Олон улсын хуульч
• 2018-2020 онд Шинжлэх Ухаан Технологийн Их Сургууль Механик инженерийн магистр мэргэжлээр тус тус төгссөн.

Ажилласан байдал: 

• 2009-2012 онд Өвөрхангай аймаг,  Хархорин сумын Засаг даргын орлогч, Засаг дарга
• 2015 онд Хөдөлмөр, нийгмийн хамгааллын яам Сайдын зөвлөх
• 2017 онд ЭХЯ-ны “Эгийн голын усан цахилгаан станц” төслийн захирал
• 2017-2019 онд ЭХЯ-ны “Эгийн голын усан цахилгаан станц” ТӨХХК-ний захирал
• 2019-2020 Нийслэлийн Зам тээвэр хариуцсан Засаг даргын орлогч бөгөөд, төслүүдийн удирдагч
• 2020-2021 онд Улаанбаатар хот дахь гаалийн газрын дарга
• 2021-2022 Замын-Үүд дэх гаалийн газрын дарга
• 2022-2023 Улаанбаатар хот дахь гаалийн газрын даргаар
• 2023 оны долдугаар сараас эхлэн “МТЗ” ТӨХК-ийн гүйцэтгэх захирлаар томилогдсон.