Хулан агнасан иргэнд 13,9 сая төгрөгийн торгууль ногдуулжээ

Ховд аймгийн Булган сум дахь Сум дундын прокурорын газраас ховор амьтан болох хулан адууг агнасан гэх хэрэгт яллах дүгнэлт үйлдэн шүүхээр шийдвэрлүүлсэн тухай мэдээллээ.

Тодруулбал иргэн Б.З нь Ховд аймгийн Алтай сумын Улсын тусгай хамгаалалтай газарт ховор амьтан болох хулан адууг агнасан гэх хэрэгт Эрүүгийн хуулийн 24.5 дугаар зүйлийн 1 /Хууль бусаар ан агнах/-т зааснаар яллах дүгнэлт үйлдэн, тус аймгийн Булган сум дахь Сум дундын шүүхэд шилжүүлжээ.

Шүүхээс хэргийг хянан хэлэлцээд иргэн Б.З-г хууль бусаар ан агнах гэмт хэрэг үйлдсэн гэм буруутайд тооцон хорих ял оногдуулахгүйгээр 2 жилийн хугацаагаар тэнсэж, гэмт хэргийн улмаас учирсан 13,900,000 төгрөгийг төлүүлсэн байна.