Хөгжлийн банк “Шинэ яармаг” цогцолбор хорооллын орон сууцны зориулалттай үл хөдлөх хөрөнгийг худалдан борлуулна

Хөгжлийн банкны өмчлөлд шилжүүлсэн үл хөдлөх хөрөнгүүдийг Монгол Улсын Хөгжлийн банкны цахим хуудсаар дамжуулан олон нийтэд нээлттэй, ил тод, шилэн байдлаар худалдан борлуулах үйл ажиллагаа үргэлжилж байна.

Эдгээр үл хөдлөх хөрөнгөөс “Шинэ яармаг” цогцолбор хорооллын орон сууцны зориулалттай үл хөдлөх хөрөнгийг худалдан борлуулна. Тодруулбал, “Шинэ яармаг” цогцолбор хорооллын 736, 737 дугаар байранд 119.2 м.кв, 121.3 м.кв талбай бүхий орон сууц, 257.2 м.кв талбай бүхий дараах пентхаус худалдан борлуулах юм.

Хөрөнгийг сонирхсон иргэн, хуулийн этгээд цахим хуудсаар дамжуулан худалдан авах саналаа ирүүлсэн шаардлага хангасан бол Хөгжлийн банкнаас эргэн холбогдож ажиллах болно.

Дэлгэрэнгүй мэдээллийг цахим хаяг болон 8502-0513 утсаар холбогдож авах, урьдчилан цаг тохирч газар дээр нь очиж үзэх боломжтой.