Белла Хадид эрүүл мэндийн шалтгаанаар загварын тайзнаа хэсэгтээ гарахгүй

Загвар өмсөгч Белла Хадид энэ жил загварын шоунуудад оролцохгүй гэдгээ өөрийн инстаграмдаа эмчлүүлж буй зургаа тавин мэдэгджээ.

Тэрээр хачигт халдварладаг “лайм”-ын өвчтэй бөгөөд халуурах, жихүүдэс хүрэх, бие өвдөх, тунгалгийн зангилаа хавдах, хүзүү хөших, амьсгал давчдах, толгой өвдөх, ядрах, тууралт гарах зэрэг шинж тэмдгүүд илэрдэг. Тэрээр өнгөрсөн жил “Vogue” сэтгүүлд өгсөн ярилцлагадаа наймдугаар ангиасаа өвчний шинж тэмдэг илэрч эхэлсэн тухайгаа ярьсан байна. Эмчилгээ хийлгэж байгаа бөгөөд хэвийн болмогц эргэн ирнэ хэмээжээ