“Улаанбаатар 2023”: Монголын баг хүрэл медаль хүртлээ
“Улаанбаатар 2023” спортын 12 төрлөөр явагдаж байгаа Зүүн Азийн залуучуудын наадмын хөлбөмбөгийн тэмцээнд Монгол Улсын шигшээ баг Макаогийн багийг хожиж хүрэл медаль хүртлээ.
Хүрэл медалийн төлөөх тоглолтын гоолуудыг 3 дахь минутанд У.Тэмүлэн, 63 дахь минутанд Н.Эрдэнэбаатар, 82 дахь минутанд Ч.Манлай нар оруулж, Макаогийн шигшээг 3:0-ээр буулган авсан юм.
Тус наадмын алтан медалийг Тайваний баг, мөнгөн медалийг Хонконгийн баг хүртлээ.
