Сэлэнгэ аймгийн Мандал сумын орлогч дарга хүчингийн хэргээ хүлээн зөвшөөрчээ

Сэлэнгэ аймгийн Мандал сумын засаг даргын орлогч М нь зургаадугаар сарын 04-нд БНСУ-ын Чэжү хотод болсон урлагийн арга хэмжээнд оролцож байх үеэрээ орчуулагч охиныг хүчирхийлсэн хэргийн сэжигтнээр татагдсан.

Түүнийг БНСУ-д баривчилж, хэргийг шалгаж байгаа юм. Тэгвэл өчигдөр Чежү хотын эрүүгийн хэргийн анхан шатны хоёрдугаар хэлтсийн шүүх хурал болж, хүчингийн хэрэгт буруутгагдаж байсан М бүх хэргээ хүлээн зөвшөөрч, хохирогчоос өршөөл үзүүлэхийг хүссэн байна. Уг шүүх хурлыг Есдүгээр сард үргэлжлүүлэхээр товложээ.