Зөвшөөрөгдсөн байгууллагын ажилтнууд автомашины дугаарын тэгш, сондгойгоор зорчино

Нийслэлийн Засаг дарга бөгөөд Улаанбаатар хотын захирагч Д.Сумъяабазар, НОК-ын Шуурхай штабаас өчигдөр /2021.04.09/ цаг үеийн асуудлаар мэдээлэл хийсэн.

Мэдээллийн үеэр “Хязгаарлагдаагүй төрийн байгууллага, ААН-ийн нийт ажилтны 10 хүртэлх хувийг ажлын үнэмлэх, албан байгууллагын тодорхойлолтыг үндэслэн хувийн болон албаны тээврийн хэрэгслээр зорчуулна. Ингэхдээ хуанлийн өдрөөр автомашины улсын дугаарын сүүлчийн орон тэгш, сондгой тоогоор төгссөнөөр, тодорхой маршрутын дагуу, хязгаартайгаар замын хөдөлгөөнд оролцуулж, түгжрэл үүсгэхгүй байх хариу арга хэмжээ авч ажиллана” гэдгийг хэлэв.

Тэгэхээр өнөөдөр буюу  4 сарын 10-н тэгш тоо учир улсын дугаарын сүүлийн орон нь тэгш дугаараар төгссөн машин зорчиж болно.