Төмөр замчид хөнгөлөлттэй үнээр БНСУ-д эрүүл мэндийн багц үйлчилгээ авах боломжийн талаар хэлэлцэв
БНСУ-ын Бусан хотноо энэ сарын 1-2-ны өдрүүдэд зохион байгуулагдсан “BIMTC-2023” буюу Бусаны олон улсын эрүүл мэндийн аялал жуулчлалын хуралд УБТЗ-ын Төв эмнэлгийн төлөөлөл оролцлоо.
Хурлын үеэр эрүүл мэндийн аялал жуучлалыг хөгжүүлэх, төмөр замчид амарч аялангаа хөнгөлөлттэй үнээр эрүүл мэндийн багц үйлчилгээг авах боломжийн талаар хуралд оролцогч талуудтай ярилцаж, санал солилцжээ.
Мөн УБТЗ-ын Төв эмнэлэг, БНСУ-ын Бусан хотын Дэдүн нэгдсэн эмнэлгийн хоорондын хамтын ажиллагааны хүрээнд Дэдүн эмнэлгийн үйл ажиллагаатай танилцаж, УБТЗ-ын Төв эмнэлгийн “Алсын зайн оношилгооны төв”-ийн үйл ажиллагааг өргөжүүлэх, оношны ховор тохиолдлууд, шийдвэрлэхэд хүндрэлтэй оношилгоо, эмчилгээний талаар тусламж зөвлөгөө авах асуудлаар ярилцаж тохирсон байна.
Эх сурвалж: “УБТЗ” ХНН
