Улсын начин Э.Энхбат өнөөдөр БНСУ руу эмчилгээнд явна

Олимпын аварга, Хөдөлмөрийн баатар Н.Түвшинбаяр найз Улсын өсөх идэр начин Э.Энхбатыг зодож тархинд нь хүндээр гэмтэл учруулсан хэрэг гарсан.

Хохирогч Э.Энхбатын биеийн байдал дээрдэхгүй, унтуулганд байгаа талаар ар гэрийнхэн нь хэлсэн. Тэдний хэлж буйгаар гадаадад эмчлүүлэх шаардлагатай бөгөөд ХБНГУ-д эмчлүүлэх талаар ярилцаж байсан. Тэгвэл өнөөдөр /2021.04.12/ 12.00 цагаас Э.Энхбатыг БНСУ руу эмчилгээнд тусгай үүргийн онгоцоор авч явахаар болжээ.

Түүний эмчилгээнд 500 гаруй сая төгрөг шаардлагатай тул бөхчүүд нийлж хандивын аян эхлүүлсэн билээ.