Маргааш автомашины дугаарын хязгаарлалт хэвийн горимд шилжинэ

Хичээлийн шинэ жилийн эхэн үед Улаанбаатар хотын замын түгжрэлийг багасгах зорилгоор наймдугаар сарын 26-ны өдрөөс тээврийн хэрэгслийн улсын дугаарын тэгш, сондгойгоор ялгаж, хөдөлгөөнд оролцуулж байгаа билээ.

Уг шийдвэр есдүгээр сарын 15-ныг хүртэл хэрэгжих хугацаатай. Тодруулбал өнөөдөр сондгой буюу 1, 3, 5, 7, 9-өөр төгссөн автомашинууд замын хөдөлгөөнд оролцоно.

Харин маргаашаас эхлэн хуучин горимдоо орж, 5 ба 0-ээр төгссөн дугаартай автомашин замын хөдөлгөөнд оролцохгүй бол ирэх амралтын өдрүүдэд дугаарын хязгаарлалт үйлчлэхгүй нь.

Дугаарын хязгаарлалт 08:00-20:00 цагийн хооронд үйлчлэх журамтай.