ЭЕШ-ыг долоодугаар сарын 1-4-нд танхимаар зохион байгуулна

БШУЯ-наас теле хичээлийн цагийн тоо, телевизээр нэвтрүүлэх өдрийн тоог бууруулж, багш, сурагчдын ачаалалд зохицуулалт хийсэн байна. Энэ дагуу теле-цахим-бие даах материалыг давхардуулж хүүхдэд ачаалал өгөхгүй байхыг чиглэл болгожээ.

Мөн элсэлтийн ерөнхий шалгалтын бүртгэлийг тавдугаар сарын 5-ныг хүртэл сунгаж, долоодугаар сарын 1-4-ний хооронд танхимаар зохион байгуулахаар төлөвлөсөн байна. Цаашлаад ерөнхий боловсролын сургуулийн нэгдүгээр ангид элсэх хүүхдүүдийг бүртгэх ажлыг 2021 оны наймдугаар сард цахимаар болон уламжлалт хэлбэрээр хослуулан зохион байгуулахаар болсон аж.