Самарт явсан 6 иргэн УГААРТАЖ нас баржээ

Сэлэнгэ аймгийн Мандал сумын Түнхэл 5-р багийн нутаг дэвсгэрт өчигдөр /2021.04.12/ өдрийн 14:30 цагийн үед 6 хүн угаартаж нас барсан байдалтай олдсон гэх дуудлага цагдаагийн байгууллагад ирсэн байна.

Хэргийг тодруулбал, тус багт оршин суугч 22-46 насны Т, Г, Ү, О, Х, М нар нь тус багийн нутаг дэвсгэрт самарт явж байхдаа бүхээгтэй /битүү/ машины тэвшин дээр унтаж байгаад угаартаж нас барсан хэргийг тус сумын цагдаагийн хэлтэс шалгаж байна.