Жолооч охиныг хөнөөсөн гэдгээ мэдүүлжээ

Дорноговь аймгийн Сайншанд сумаас 12 настай хүүхэд өчигдөр алга болсонтой холбогдуулан аймгийн засаг дарга, хэлтсийн нийт бүрэлдэхүүнтэй шуурхай хуралдааныг зарласан.

Охиныг аймгийн төвөөс  жижиг хар машинаар гэрийн гаднаас нь авч Дундговь аймгийн Сайхандулаан сумын чиглэл рүү явсан гэх мэдээлэл байсан. Цагдаагийн байгууллагаас шалгаж тус машины жолоочийг Манлай сумаас олж сэжиглэн саатуулаад байсан юм. Тухайн иргэн охиныг хөнөөсөн гэдгээ мэдүүлсэн байна.